काठमाडौं- एक सातादेखि निरन्तर झरी परिरहेको छ। वर्षात्मा जस्तै झरी चैतमा परेपछि सर्वसाधारणको जीवन प्रभावित भइरहेको छ। अरब सागरबाट जलवाष्पयुक्त हावा नेपालसम्म आइपुगेकाले बादल लाग्ने र पानी पर्ने क्रम जारी रहेको मौसमविद्हरुले बताइरहेका छन्। अहिले पनि देशभर आंशिकदेखि साधारणतया बदली छ। यो क्रम शनिबारसम्म जारी रहने पनि मौसमविद्हरुको अनुमान छ।
हल्का वर्षा समेत भइरहेको छ।अहिले राति-राति पानी परिरहेको छ। सर्वसाधारणको जिब्रोमा अहिले प्राय: एउटै वाक्यांश छ, 'यस्तो त मनसुनको बेलामा हुन्छ, दिनभरी माघेझरी जस्तो पनि देखिन्छ, मलाई अनौठो लागिरहेको छ।'
चैतको महिनामा सामान्यतया बिहानैदेखि दिउँसोसम्म चर्को घाम लाग्ने, साँझपख हावाहुरी चल्ने र चट्याङ सहित असिना पानी पर्ने समय हो। तर अहिले माघेझरी जस्तो मौसम भइरहेको छ। यो सबै जलवायु परिवर्तनको प्रभावका कारण यसो भएको हो।
उद्योग कलकारखान तथा व्यक्तिहरुको दैनिक कृयाकलाप तथा हाम्रो वतावरणमा परेको अभाव तथा जन चेतनाको कमीले अझै कति नसोचेको परिमाण आउने हो। निरन्तर विश्वमा भइरहेको जलवायु परिवर्तनको मुख्य कारकहरु नै मानवीय क्रियाकलाप हुन्।
हामीले प्रकृतिलाई मासेका छौं। हामीले आफ्नो सहजताका लागी प्रकृतिको कुनै पनि पक्षलाई ध्यानमा राखेका छैनौं, यसको परिमाण हामीले नै भोग्न पर्छ। नेपालमा पछिल्ला केही वर्षमा हिउँदे वर्षा एकनासको देखिएको छैन।
यसको अत्यधिक जाडो हुने मंसिर, पुस र माघ महिनामा नपरेको हिउँ चैतमा पर्नु र मनसुन पूर्वको समयमा पनि लामो समयसम्म पानी पर्नुलाई मौसमविद्हरू वातावरण असन्तुलनको असर हुनसक्ने अनुमान गरेका छन्।
मौसमविद् भन्छन्, 'चैतमा चिसो महसुस हुनुलाई असामान्य मान्न नसकिए पनि हिउँ नै पर्नु र लामो समयसम्म वर्षा हुनु अध्ययनको विषय हुनसक्ने तथा यस्तो हुँदै हुँदैन भन्न त सकिँदैन तर यो अध्ययनको विषय हो।'
