काठमाडौं- संयुक्त अरब इमिरेट्स (यूएई) को दुबइमा हुने जलवायु सम्मेलन कोप-२८ को तयारीका लागि नेपाल सरकारले तीव्रता दिएको छ। वन तथा वातावरण मन्त्रालयले कोप-२८ मा नेपालका तर्फबाट हुने कार्यक्रमलाई टुंगो लगाएको मन्त्रालयको जलवायु परिवर्तन व्यवस्थापन महाशाखाका अधिकृत दिपा वलीले जानकारी गराएकी छन्।
यस वर्ष कोप-२८ सम्मेलनमा कार्यक्रम गर्नका लागि नेपालले झण्डै रु ८० लाख खर्च हुने पेभिलिएन (बृहत् मण्डला) स्थापना गर्ने भएको छ। नेपालले लिएको पेभेलिएनमा नेपाली प्रतिनिधिमण्डलले कार्यक्रम गर्ने र नेपालको जलवायु परिवर्तनले पारेको असरको मुद्दाबारे अन्तर्राष्ट्रिय जगतलाई जानकारी गराउने भएको छ।
प्रधानमन्त्री पुष्पकमल दाहाल प्रचण्ड नेतृत्वको नेपाली टीम कोप-२८ मा सहभागी हुने भएको छ। ३० नोभेम्बरदेखि कोप-२८ को औपचारिक कार्यक्रमहरु सुरु हुने भए पनि नेपालको पेभेलिएनमा भने २ डिसेम्बरदेखि कार्यक्रम हुने भएका छन्।
२ डिसेम्बर, २०२३ मा प्रधानमन्त्री प्रचण्डले नेपालको पेभेलिएनमा सम्बोधन गर्ने भएका छन्। नेपालको पेभेलिएनमा २ डिसेम्बरदेखि १२ डिसेम्बरसम्ममा कुल ३७ वटा साइड इभेन्टहरु आयोजना हुने मन्त्रालयले जनाएको छ।
साथसाथैले ४ डिसेम्बरमा 'जलवायु परिवर्तन र जोखिममा रहेका समुदायाको यसको असर' शीर्षकको कार्यक्रम गर्नेछ भने ८ डिसेम्बरमा 'लस एण्ड ड्यामेजको सम्बोधन : नेपालमा जलवायु परिवर्तनको असर र क्षतिपूर्ति' विषयमा कार्यक्रम गर्ने भएको छ।
नेपाल पेभेलिएनमा हुने कार्यक्रमको सूची:
